അടിച്ചമര്‍ത്തല്‍

അടിച്ചമര്‍ത്തിയ ആഗ്രഹങ്ങളുടെ

ലിസ്റ്റിലേക്ക് ഒന്ന് കൂടി ചേര്‍ത്ത്

അവള്‍ കഴുത്തു നീട്ടിക്കൊടുത്തു.

മാസമുറകളില്‍

അടിവയറ്റിലെ

പുളയുന്ന വേദനയെ കടിച്ചമര്‍ത്താന്‍

ഇത്ര പ്രയാസമുണ്ടായില്ല.

പാടില്ലെന്ന് അന്ത്യശാസനം നല്‍കിയിട്ടും

ചോദിച്ച ചോദ്യങ്ങള്‍ക്കെല്ലാം

ആരോ മറുപടി നല്‍കികൊണ്ടിരുന്നു.

അകലെ നിക്കുമ്പോള്‍ ക്രൂരമായി

തോന്നിയവരൊക്കെയും

നിശ്ബ്ദതയുടെ സന്തോഷം

ആഘോഷിച്ചിരുന്നു